28.12.2012 Алекс Меклиш нов менаџер на Нотингем форест
Англискиот второлигаш Нотингем форест го именуваше шкотскиот стручњак Алекс Меклиш за свој нов менаџер.
Пред неколку денови клубот го отпушти Шон О’Дрискол и набрзо го ангажираше педесет и тригодишниот Меклиш кој ќе дебитира на клупата на утрешниот натпревар против Кристал Палас.
„Се радувам на работата во Нотингем форест. Земав одмор од фудбалот и сега се чувствувам освежен и подготвен да продолжам“, изјави Меклиш, поранешниот тренер на Бирмингем, Астон вила и Глазгов ренџерс, кој беше и селектор на шкотската репрезентација, а немаше тренерски ангажман од мај годинава.
Во моментов Нотингем форест е на осмото место во втората англиска лига со 36 бодови по 24 натпревари.