02.12.2016 Панатинаикос го смени Страмачони
Грчкиот фудбалски клуб Панатинаикос го отпушти тренерот Андреа Страмачони поради серијата лоши резултати.
Италијанскиот стручњак, кој Панатинаикос го презеде кон крајот на минатата година, е отпуштен еден ден по поразот од второлигашот ОФИ во Купот на Грција.
Панатинаикос има само 15 бодови од девет одиграни кола во грчкото првенство и на третото место на табелата е изедначен со АЕК. Водечкиот Олимпијакос има предност од седум бода.
Сè уште не се знае кој ќе го замени Страмачони на клупата на Панатинаикос.