10.12.2013 Бенајун потпиша за Квинс парк ренџерс
Израелскиот интернационалец Јоси Бенајун потпиша за Квинс парк ренџерс, соопшти англискиот второлигаш.
Бенајун, кој претходно има играно за Вест хем, Ливерпул и Челзи, потпиша договор со Квинс парк ренџерс до крајот на сезоната.
„Јоси е играч од врвна класа“, изјави Хари Реднап, менаџерот на Квинс парк ренџерс.
Тој нагласи дека Бенајун има голем потенцијал.
„Тој е играч со големи способности кој секогаш ми се допаѓал. Своевремено сакав да го ангажирам во Тотенхем“, додаде Реднап и рече дека смета дека Бенајун ќе биде фантастично засилување.
Квинс парк ренџерс испадна од Премиер лигата минатата сезона, моментно е втор на табелата зад Барнли, поради лошата гол-разлика.