27.12.2012 Мароко без Тарабт на Африканскиот куп на нациите
Мароканецот Адел Тарабт, најдобриот фудбалер на Квинс парк ренџерс, нема да игра за репрезентацијата на Африканскиот куп на нациите бидејќи селекторот Рашид Тауси не го смести во конечниот список на патници.
На списокот од 23 играчи не е ниту Маруан Шамах, напаѓачот на Арсенал, но ќе настапат Карим Ел Ахмади од Астон вила и напаѓачот на Ливерпул, Усама Асаиди.
„Се надевав дека ќе играм во Јужна Африка, не ми се допадна оваа одлука, но тоа нема да ме спречи да бидам најголем навивач на Мароко на турнирот“, рече Тарабт.
Африканскиот куп на нациите на програмата е од 19-ти јануари до десетти февруари следната година во Јужна Африка.