22.12.2015 Хановер остана без тренер
Германскиот фудбалски тренер Михаел Фронцек поднесе оставка од клупата на Хановер, објави овој бундеслигаш.
Фронцек го напушта Хановер по три порази по ред, последниот пораз е од Баерн со 1-0 на домашен терен минатиот викенд.
„Солидарноста и довербата се неопходни во работата ако сакаме да бидеме успешни. Моментално не чувствувам дека имам верба во менаџментот на клубот и затоа си заминувам“, изјави Фронцек.
Фронцек во април дојде во Хановер, а претходно работеше во Сент Паули, Борусија Менхенгладбах, Арминија Билефилд и Алеманија Ахен.
Фудбалерите на Хановер по првиот дел од сезоната во Бундеслигата се наоѓаат на 17-тото место на табелата.