22.1.2015 Жервињо суспендиран на два натпревари
Жервињо, фудбалскиот репрезентативец на Брегот на Слоновата Коска, вчера беше суспендиран на два натпревари поради тоа што доби црвен картон на натпреварот со Гвинеја во Купот на африканските нации.
Жервињо во првото коло на групата Д го удри Наби Кејта, репрезентативецот на Гвинеја, поради што му беше покажан директен црвен картон.
„Тоа воопшто не личи на мене. На фудбалскиот терен нема место за такви работи, се извинувам“, изјави Жервињо.
Натпреварот меѓу Брегот на Слоновата Коска и Гвинеја беше завршен нерешено 1-1, а во групата играат уште Мали и Камерун.