09.8.2013 Жервињо од Арсенал во Рома
Репрезентативецот на Брегот на Слоновата Коска, Жервињо, официјално стана нов фудбалер на Рома, потврди неговиот сега поранешен клуб Арсенал преку својата интерне-страница.
Деталите околу договорот кој Жервињо го потпишал со Рома не се познати, а се верува дека римскиот клуб на Арсенал му платил 8 милиони фунти отштета, плус бонуси зависно од перформансите на играчот.
Жервињо во Арсенал пристигна во 2011 година од Лил, а во двете сезони во редовите на „топчиите“ постигна 11 голови, 4 во првата и 7 во втората сезона.
Жервињо во Рома ќе му се приклучи на поранешниот тренер од Лил, Руди Гарсија, со кого ги имаше најуспешните мигови во кариерата.