09.12.2014 Чезена го отпушти тренерот
Италијанскиот фудбалски клуб Чезена вчера го смени тренерот Пјерпаоло Бизоли поради слабите резултати во досегашниот дел на сезоната.
Чезена минатиот викенд изгуби со 3-2 од Аталанта во Бергамо и се наоѓа на претпоследното место на табелата само со осум освоени бодови.
„Се заблагодаруваме на Бизоли и на неговиот стручен штаб за почитувањето и за неверојатните резултати во сезоната 2012/13, кога успеа да нè спаси од испаѓање во Серија Б“, се наведува во соопштението на клубот.
Бизоли на клупата на Чезена би можело да го наследи поранешниот играч и тренер на младинскиот тим на клубот, Давиде Балардини.