09.1.2014 Балардини нов тренер на Болоња
Педесетгодишниот Давиде Балардини и официјално е именуван за нов тренер на италијанскиот фудбалски прволигаш Болоња.
Договорена е соработка до крајот на сезоната, а Балардини на клупата го наследува Стефано Пиоли.
Балардини екипата ја презема во тежок момент, додека таа се наоѓа на 17-тото место на Серија А, само со една остварена победа во деветте последни натпревари во сите натпреварувања.
Балардини е поранешен тренер на Калјари, Палермо, Лацио и Џенова, а деби на клупата на Болоња ќе има во сабота, во лигашката средба против Лацио.