15.8.2011 Нирнберг два месеци без Дидави
Повредата на коленото ќе го оддалечи младиот германски репрезентативец Даниел Дидави од терените следните осум седмици, потврди неговиот клуб Нирнберг и додаде дека наредните денови ќе биде подложен на оперативен зафат.
Дидави во
редовите на Нирнберг дојде летово како позајмен фудбалер од Штутгарт и на
првите два натпревари за новиот клуб остави многу добар впечаток. Покрај
Дидави, тренерот на Нирнберг, Дитер Хекинг, следното коло за натпреварот против
шампионот Борусија Дортмунд нема да може да смета и на голманот Рафаел Шефер
кој има проблем со бутниот мускул.
Аргентинскиот
дефанзивец Хавиер Пинола кој предвреме го заврши натпреварот против Хановер
немал некоја посериозна повреда туку имал грчеви на десната нога и ќе може да
игра во следното коло.