Корисничко име Лозинка Пријави се
  • БОЈА:
09.10.2018

Пако Алкасер ќе даде 186 гола сезонава во Борусија Дортмунд!

Германскиот тим доби неверојатно засилување само за два милиони евра.

Вистинска сензација во германската Бундеслига е шпанскиот напаѓач Пако Алкасер. Играчот кој дојде од Барселона во Борусија Дортмунд под наем само за два милиони евра, сега е прва ѕвезда во лигата. Алкасер има речиси перфектни перформанси. Иако досега на ниту еден меч не беше стартер за Борусија, тој е прв стрелец не само во екипата туку и во целата Бундеслига.
Алкасер на терен вкупно има поминато 81 минута, а досега постигнал шест голови. Ниту еден друг фудбалер во Бундеслигата нема толку погодоци. Фактот дека погодува на секои 13,5 минути поминати на теренот, покажува дека се работи за неверојатни перформанси. Германскиот весник „Билд“ вели дека ако Алкасер продолжи во исто темпо, на крајот тој ќе има постигнато 186 голови сезонава во првенството.
Пако е фудбалер на Барселона, но Каталонците решија за сума од два милиони евра да ѝ го отстапат на Борусија. „Милионерите“ сега може да чекаат до крајот на сезоната, а потоа само за 25 милиони евра да го откупат договорот на моментно најдобриот стрелец во Бундеслигата.

Најнови вести