Лига на Европа: Борусија низ иглени уши, Арсенал се „тресеше“

Вчера се комплетираше шеснаесетфиналето на Лигата на Европа и се добија последните учесници за денешната ждрепка во Нион.

Тоа ќе бидат фудбалерите на Милан, Арсенал, Аталанта, Атлетик Билбао, Марсеј и Салцбург.
„Росонерите“ по 3-0 во Разград, го совладаа Лудогорец и на домашен терен, овој пат со минимален резултат, а стрелец на единствениот гол беше Фабио Борини во 21-вата минута.
Се чинеше дека по резултатот од 3-0 во Шведска, Арсенал има сигурна предност против Естерсунд, но не мислеа така Ајес и Сема, коишто за 60 секунди постигнаа два гола и внесоа неизвесност. Но, и покрај поразот, „топчиите“ си најдоа место меѓу најдобрите 16.
Таму ќе биде и Борусија Дортмунд. Германците во првиот натпревар ја победија Аталанта со 3-2, а во реваншот одиграа 1-1.
Во следната фаза продолжуваат уште Салцбург и Олимпик Марсеј, како и Атлетик Билбао, чиј реванш со Спартак од Москва остана во знакот на нередите на навивачите. Во тој случај имаше многу повредени, а еден полицаец почина од срцев удар.
Билбао изгуби со 2-1, но продолжува понатаму поради победата од 3-1 во Москва.

Лига на Европа – шеснаесетфинале:
19.00
Локомотив – Ница 1-0 (1-0), прв натпревар 3-2
Атлетико – Копенхаген 1-0 (1-0), прв натпревар 4-1
Динамо Киев – АЕК 0-0, прв натпревар 1-1
Лацио – Стеауа 5-1 (3-0), прв натпревар 0-1
П’лзењ – Партизан 2-0 (0-0), прв натпревар 1-1
Лајпциг – Наполи 0-2 (0-1), прв натпревар 3-1
Спортинг Лисабон – Астана 3-3 (1-1), прв натпревар 3-1
Вилјареал – Лион 0-1 (0-0) прв натпревар 1-3
Зенит – Селтик 3-0 (2-0), прв натпревар 0-1
21.05
Милан – Лудогорец 1-0 (1-0), прв натпревар 3-0
Арсенал – Естерсунд 1-2 (0-2), прв натпревар 3-0
Аталанта – Борусија Дортмунд 1-1 (1-0), прв натпревар 2-3
Атлетик Билбао – Спартак 1-2 (0-1), прв натпревар 3-1
Брага – Марсеј 1-0 (1-0), прв натпревар 0-3
Салцбург – Реал Сосиедад 2-1 (1-1), прв натпревар 2-2
Вторник
ЦСКА – Црвена ѕвезда 1-0 (0-0), прв натпревар 0-0