28.9.2013 Омар Даф привремен тренер на Сошо
Поранешниот фудбалер на Сошо, Омар Даф, привремено ќе ја извршува тренерската функција во тој француски прволигаш.
Францускиот клуб вчера соопшти дека досегашниот тренер Ерик Ели поднел оставка на функцијата после поразот од Генгамп во домашното првенство.
Претседателот на Сошо, Лоран Перне, изјави дека не е лесно да се донесе одлука за тоа кој ќе го предводи клубот, но и дека на списокот на потенцијални тренери има четири до шест имиња.
Триесет и шестгодишниот Даф за Сошо одиграл 200 натпревари на позицијата десен бек, а ова ќе му биде прво тренерско искуство.
Сошо после седум кола во француската Лига 1 се наоѓа на последното место на табелата со само два бода и со најлоша одбрана во лигата која досега прими 14 голови.