12.3.2012 Рубио ја заврши сезоната
Скинатите предни вкрстени лигаменти на коленото на Рики Рубио, главниот конкурент за титулата дебитант на годината во НБА, го пратија на пауза од кошарката, а крајот од сезоната ќе мора да го гледа пред малите екрани.
Луѓето од Минесота долго го чекаа овој кошаркар и сега кога сфатија дека имале право во тоа, ќе мора да се помират со фактот дека повторно ќе го чекаат. Рики беше една огромна сензација во досегашниот тек на шампионатот, а повредата со која се здоби на мечот со Лос Анџелес лејкерс е од многу потешка природа, потешка од очекуваната.
Ова ќе биде огромен хендикеп за тимот кој сериозно конкурира за разигрувањето, но и за шпанската репрезентација, бидејќи неговото појавување во Лондон ќе биде само туристичкo.