02.1.2012 Официјално: Анчелоти го презеде ПСЖ
Карло Анчелоти е претставен како нов тренер на ПСЖ, каде што ќе го замени Антоан Комбуаре.
.jpg)
Анчелоти ќе биде најплатениот тренер во историјата на францускиот фудбал, неговата плата ќе се движи меѓу шест и седум милиони евра годишно.
Италијанецот беше без работа од минатото лето, кога доби отказ од клупата на Челзи, каде што беше заменет со Андре Вилаш-Боаш.
Тој ќе има кратки четиридневни подготовки со тимот во Катар, а првиот натпревар на клупата на тимот од Париз ќе му биде против аматерскиот тим Локмин. Анчелоти изјави дека целта му е освојување трофеи и ништо друго, а прашање е само кои ќе бидат засилувањата на неговиот тим оваа зима, бидејќи се споменуваат имиња како Дејвид Бекам, Кака и Пато.