26.6.2017 Балотели и следната сезона во Ница
Италијанскиот фудбалер Марио Балотели го продолжи договорот со Ница за уште една сезона, соопшти францускиот клуб.
Балотели во Ница дојде пред една година како слободен играч од Ливерпул и тогаш потпиша договор до крајот на сезоната.
Трансферот во Ница се покажа како добар погодок бидејќи ја оживеа кариерата и постигна 17 голови на 28 натпревари.
Ница беше трета во француското првенство и ќе игра во квалификациите за Лигата на шампионите.
Балотели беше цел на шпанскиот Лас Палмас.