Вориорси ja продолжија серијата победи

Тренерот на Детроит, Стен ван Ганди, предвиде дека Селтикс ќе го нанесе првиот пораз на Голден стејт, беше близу но Вориорс сепак славеа со 124:119, со тоа стасаа до серија од 24-0.

Голден стејт вориорс играа без Клеј Томпсон и Херисон Барнс, Стеф Кари имаше најлоша шутерска вечер во сезоната, но Вориорси некако успеаја да го преживеат гостувањето во Масачусетс, па и понатаму ја продолжија серијата победи, 24-0. Селтикс во регуларниот дел имаа две шанси за триумф, првата Ливингстон ја блокираше шансата на Ајзеја Томас, а потоа непрецизен беше Олиник.
„Беше исцрпувачки, но забавно. Убаво е тоа што победивме, но моравме добро да се избориме за тоа“, изјави Кари, кој натпреварот го заврши со 38 поени, имаше 11 скокови и 8 асистенции.
Сметајќи ги и четирите победи од минатата сезона Голден стејт има постигнато 28 триумфи во низа, со што се изедначија со Мајами Хит од сезоната 2012/2013 година, на втората позиција на вечната листа- најдолга низа и понатаму ја држи Лејкерс со 33 победи во сезоната 1971/1972 година.
Голден стејт патува во Милвоки и со тоа ја комплетира турнејата од седум гостувања, никогаш ниеден НБА тима немал резултат од 7-0 на ваква турнеја.
„Уживаме во сето ова бидејќи не се случува често. Рекорд, историја, тим, кој знае? Можеби следната година ќе бидеш во друг тим и никој нема да зборува за тебе“, изјави Ендрју Богут.
Демонд Грин го пратеше Кари со 24 поени, 11 скокови и 8 асистенции, Игуадал имаше 12 поени, 10 скокови 5 асистенции, Езили запиша 12 поени и 12 скокови, а 12 поени додаде и Ливингстон.
Кај Селтикс кој сега се на 13-10, блескаше Кели Олиник со 28 поени, Бредли постигна 19 поени, Томас имаше 18 поени и 10 асистенции додека пак Тарнер забележа 13 поени, 9 скокови и 6 асистенции.
„Тие се шампиони и го сторија тоа што им беше потребно, но Кари и покрај сè одлично ја заврши работата“, изјави Тарнер.