28.10.2014 Објавени кандидатите за наградата Златна топка
Денес ФИФА и „Франс фудбал“ ја објавија листата со 23-ца кандидати за престижната награда Златна топка 2014 година.
Минатогодишниот освојувач на ова признание, Кристијано Роналдо, кој два пати ја освои наградата, е главен фаворит пред неговиот ривал Лионел Меси.
На листата со кандидатите има дури десет фудбалери од шпанската Примера лига, шест од Бундеслигата, а пет од англиската Премиер лига.
Од Француското првенство претставник е Златан Ибрахимовиќ, а од Серија А единствен кандидат е Пол Погба.
На листата го нема Луис Суарес, кој одигра одлична сезона во Ливерпул, беше најдобар стрелец во Европа и минатата недела ја доби наградата Златна копачка.
Листата со 23-ца кандидати за Златната топка:
Кристијано Роналдо, Герет Бејл, Карим Бензема, Серхио Рамос, Џејмс Родригес (Реал Мадрид), Анхел ди Марија (Реал Мадрид/Манчестер јунајтед), Диего Коста, Тибо Куртуа (Атлетико Мадрид/Челзи), Еден Азар (Челзи), Златан Ибрахимовиќ (ПСЖ), Тони Крос, (Баерн Минхен/ Реал Мадрид), Арјен Робен, Марио Гетце, Мануел Нојер, Томас Милер, Филип Лам, Бастијан Швајнштајгер (Баерн Минхен), Лионел Меси, Андрес Иниеста, Хавиер Маскерано, Нејмар (Барселона), Пол Погба (Јувентус) и Јаја Туре (Манчестер сити).