09.1.2013 ФИФА ги казни Унгарија и Бугарија
Светската фудбалска федерација поради антисемитски и расистички испади на навивачите ги казни Унгарија и Бугарија со играње пред празни трибини на следните квалификациски натпревари за Светското првенство во Бразил.
Бугарија е казнета и со дополнителни 35.000 швајцарски франци, а Унгарија ќе мора да плати 40.000 франци.
Унгарските навивачи на пријателскиот натпревар на 15 август извикувале „валкани евреи“, „Бухенвалд“ (нацистички концентрационен логор во Германија) и „Вива Мусолини“, а за време на интонирање на химната на Израел, стотина навивачи се свртеле со грб кон теренот.
Бугарските навивачи го навредувале данскиот репрезентативец Патрик Мтилигау имитирајќи мајмунски крици на натпреварот од квалификациите за Мундијалот 2014 година.
Унгарија својот следен квалификациски натпревар за СП против Романија во март ќе го игра пред празни трибини, а Бугарија истиот ден ќе ја пречека Малта, исто така без публика.