16.11.2017 Карвахал се враќа на теренот
Даниел Карвахал, шпанскиот дефанзивен играч и десен бек на Реал Мадрид, ќе се врати на теренот во градското дерби против Атлетико наредниот викенд.
Шпанскиот дефанзивен играч паузираше од септември поради проблеми со срцето, пренесува „Марка“.
Карвахал ги помина младите селекции на Реал Мадрид, а за првиот тим дебитираше против Бетис во август 2013 година, откако се врати од заемот во Баер Леверкузен.
Досега одигра 112 натпревари за актуелниот освојувач на Лигата на шампионите, постигна два гола и неодамна го продолжи договорот до 2022 година.