09.9.2017 Кавани, Нејмар и Мбапе за убедлив триумф на ПСЖ
Екипата на ПСЖ го победи Мец со 5-1 во натпреварот од петтото коло на француската Лига 1.
Гол на дебито посигна Килијан Мбапе, додека на листата на стрелците се запишаа два пати Единсон Кавани и еднаш Нејмар.
Гостите до предност дојдоа во 31-вата минута, кога по асистенцијата на најскапиот играч во историјата, Кавани го матираше Кавашима.
Мец успеа да изедначи само шест минути подоцна со погодокот на Емануел Ривиера. Со тој резултат заврши првото полувреме.
Пресудниот момент на натпреварот беше во 56-тата минута, кога Асу-Екото заработи директен црвен картон. Мец остана со десетмина, а ПСЖ логично го искористи тоа.
Најубавиот детаљ на натпреварот беше виден во 59-тата минута, кога Килијан Мбапе постигна погодок. Младиот Французин направи трансфер од Монако за 180 милиони евра и веднаш во првиот натпревар се запиша во листата на стрелците.
Мбапе ја искористи лошата реакција во одбраната на Мец и од околу 16 метри ја испрати топката во мрежата. До крајот на натпреварот имаше уште три гола. Нејмар со преубав удар од 20 метри во 69-тата минута зголеми на 3-1, потоа Кавани во 75-тата погоди за 4-1, додека конечниот резултат 5-1 го постави Лукас Мура.
Во натпреварот пред овој, Лил и Бордо одиграа без голови.