07.12.2016 Венгер: Му благодарам на Лудогорец
Арсен Венгер, менаџерот на Арсенал, изјави дека му се заблагодарува на Лудогорец кој со ремито со ПСЖ му овозможи да ја освои групата А во Лигата на шампионите.
„Топчиите“ го завршија својот дел од работата по убедливата победа од 4-1 во Базел, а на врвот на групата ги одведе неочекуваното реми на Бугарите во Париз со 2-2.
„Му се заблагодарувам на Лудогорец за големиот резултат кој нам ни помогна да бидеме први во групата. Тоа е токму тоа што го сакавме. Против Базел игравме со многу самодоверба, бевме мобилни и убедливи“, изјави Венгер.
Потенцијални ривали на Арсенал на ждрепката за осминафиналето (понеделник во 12 часот) сигурно се Бенфика, Баерн, а веројатно уште Баер Леверкузен, Реал или Борусија, Порто и Севилја.
„Групната фаза ја завршивме на првата позиција, а сега ќе видиме што ќе се случи на ждрепката. Во секој случај, без оглед на исходот на ждрепката, ќе направиме сè што можеме за да се пласираме понатаму“, додаде Венгер.