04.12.2015 Троа е во потрага по нов тренер
Францускиот фудбалски клуб од првата лига, Троа го отпушти досегашниот тренер Жан-Марк Фурлан, по очајниот старт оваа сезона и пласманот на последното место на табелата, објавено е на интернет страницата на клубот.
Троа по 16-тото коло во Лигата 1 сè уште не знае за триумф, има освоено само пет бодови, а завчера беше поразена на домашен терен од Тулуз со 3-0.
Клубот сè уште нема најдено замена за Фурлан на два дена пред натпреварот со Ремс во Шампионатот.
Фурлан мината сезона Троа ја воведе во елитната лига на Франција, а во текот на својата кариера ги предводеше Нант и Стразбур.