25.7.2015 Курањи се врати во Бундес лигата
Поранешниот германски репрезентативец, Кевин Курањи, по пет години се врати во Бундес лигата и потпиша едногодишен договор со Хофенхајм, соопшти клубот.
Триесет и тригодишниот напаѓач од 2010 година играше за Динамо Москва, откако претходно со голем успех настапуваше за Штутгарт и за Шалке.
„По пет години во Русија многу сум мотивиран уште еднаш да се докажам во Бундес лигата“, изјави Курањи.
За германската национална селекција одигра 52 натпревари на кои постигна 19 голови.