03.12.2014 Асамоа четири месеци надвор од теренот
Квадво Асамоа, фудбалерот на Јувентус, поради повреда на коленото, од теренот ќе отсуствува четири месеци, соопшти шампионот на Италија на официјалната интернет-страница.
Репрезентативецот на Гана се повреди минатата седмица на тренинг и веќе отпатува во Барселона, каде што ќе му биде извршена операција.
Поради повредата, Асамоа ќе го пропушти Африканскиот куп на нациите, кој се игра од 17-ти јануари до осми февруари 2015 година во Екваторска Гвинеја.
Тој во 2012 година направи трансфер од Удинезе во Јувентус, одигра 87 натпревари и постигна пет голови.
За репрезентацијата на Гана настапи 66 пати и даде четири голови.