25.6.2014 Бутнер прејде во Динамо Москва
Александер Бутнер, неодамнешниот фудбалер на Манчестер јунајтед, направи трансфер во Динамо од Москва, соопшти рускиот клуб.
Деталите на трансферот не се објавени, а холандскиот играч, кој на позицијата лев бек ќе го замени Марко Ломиќ, ќе го носи дресот со број три.
„Сакам да играм во Лигата на шампионите и да освојувам трофеи. Динамо има силен тим и уверен сум дека во претстојната сезона ќе се бориме за титулата. Познавам неколкумина од новите соиграчи и се надевам дека ќе бидеме успешни. Мило ми е што дојдов во ваков клуб“, изјави Бутнер.
Бутнер во текот на двете сезони во Јунајтед одигра 28 натпревари и постигна два гола.
Тој е производ на младинската школа на Ајакс, а играше и за Витесе.