12.9.2018 Лук Шоу ќе паузира само два натпревари
Дефанзивецот заработи мала повреда за време на мечот Англија – Шпанија во Лигата на нациите.
Левиот бек на Манчестер јунајтед, Лук Шоу, нема да му биде на располагање на Жозе Мурињо во следните два натпревари откако се здоби со потрес на главата за време на натпреварот Англија – Шпанија пред неколку дена.
Иако се стравуваше дека бекот ќе мора на подолга пауза, сепак, медицинскиот тим на Јунајтед вели дека не е ништо сериозно, но дека ќе мора да одмори неколку дена поради безбедносни мерки. Шоу ја загуби свеста при лош пад, по што беше изнесен на носилки.
Иако Англичанецот тренинра со првиот тим, по совет од лекарите во тимот нема да игра против Ватфорд овој викенд, а ќе го пропушти и првиот меч во Лигата на шампионите против Јанг бојс.
Повредата се случи во најлош момент. По долго време, Шоу конечно доби вистинска шанса од Мурињо да се докаже, и тоа му успеа на последните неколку средби, па заслужено беше повикан од Саутгејт за мечевите во Лигата на нациите.