06.5.2017 Игуаин нема да игра против Торино?
Масимилијано Алегри ќе одмори неколку фудбалери во натпреварот против Торино во Серија А.
Јувентус има простор да калкулира во Серија А, неговата предност е огромна, а титулата би можело да ја освои уште овој викенд во натпреварот против Торино.
Алегри изјави дека ќе има измени, најави дека ќе брани Нето наместо Буфон, кој е стандарден оваа сезона, а тука нема да биде крајот.
На натпреварот веројатно ќе биде отсутен и Гонзало Игуаин, Манџукиќ би можело да влезе во самиот шпиц, а Стураро и Куадрадо во тој случај би играле по страните. Пауло Дибала би останал на неговата стандардна позиција.
Натпреварот меѓу Јувентус и Торино се игра вечерва, од 20.45 часот.