05.8.2011 Шамах не сака во Рома
Напаѓачот на Арсенал и репрезентацијата на Мароко, Маруан Шамах изјави дека сака својата кариера да ја продолжи во клубот од Лондон.
До него стигнаа шпекулациите дека е на листата на желби на Рома, која бара
замена за Мирко Вучиниќ.
Црногорскиот репрезентативец потпиша за Јувентус, а „волчицата“ од тој
трансфер заработи 18 милиони евра.
„Сакам да останам во Арсенал. Минатата сезона ја започнав одлично, но потоа
работите започнаа да се комплицираат. Слушнав многу шпекулации за мое
заминување од клубот, но јас имам договор со „топџиите“ и сакам да го одработам
до крај. Верувам дека со Арсенал сезонава ќе оствариме многу победи“ – рече
Шамах.