05.8.2018 Џабе навивачите се „палат“: Бонучи нема намера да се извинува на никого
Иако многумина го сметаат за предавник, дефанзивецот се врати во Јувентус
Центраниот дефанзивец Леонардо Бонучи по една година помината во дресот на Милан, повторно се врати во Јувентус. Играчот кој освои шест титули во низа со „старата дама“, лани реши да си замине од Торино за да биде капитен во Милан, но фактот дека по само една сезона се враќа во „старото јато“ покажува дека направил грешка.
Враќањето на Бонучи во Јувентус предизвика многу полемики и дебати кај фановите на „старата дама“ дали требало да му се даде втора шанса. Минатата сезона како играч на Милан, Бонучи даде гол против Јувентус, а прославата му беше повеќе од бурна.
Токму затоа многумина фанови на Јувентус сметаат дека сега Бонучи треба да се извини за таа негова прослава. Сепак, самиот играч смета сосема поинаку.
„Нема да кажам никакви зборови, едноставно ќе излезам на теренот и ќе играм. На сите ќе им докажам на теренот и нема да се извинам никому“, рече Бпнучи.