27.7.2018 Манчестер јунајтед испрати понуда за Мегваер
Манчестер јунајтед му испрати понуда на Лестер за дефанзивниот играч Хари Мегваер, пренесува „Скај спортс“.
Репрезентативецот на Англија во минатата сезона беше прогласен за најдобар играч на клубот, а неговата вредност е околу 65 милиони фунти.
Според наводите на медиумите, Мегваер има желба да направи трансфер на „Олд Трафорд“, но „лисиците“ сепак сакаат да го задржат 25-годишниот играч.
Преодниот рок во Англија ќе трае пократко од претходните сезони, па „црвените ѓаволи“ сигурно ќе имаат тешка работа за да го доведат дефанзивниот играч во своите редови.
Мегваер во Лестер дојде минатото лето од Хал за 17 милиони фунти.