03.9.2016 Италијанците без Де Роси во Израел
Репрезентацијата на Италија ќе биде без Даниеле де Роси во првиот натпревар од квалификациите за Светското првенство.
Играчот за врска на Рома има проблеми со листот на ногата, па ќе го пропушти натпреварот со Израел во понеделник во Хаифа.
Искусниот Де Роси се повреди завчера, во пријателскиот натпревар со Франција, којшто Италија го изгуби со 3-1 во Бари.
Покрај Де Роси, во Хаифа нема да игра ниту Леонардо Бонучи, стоперот на Јувентус, кој има семејни проблеми.