12.8.2018 Несторовски погоди, Палермо испадна во купот
Илија Несторовски го постигна почесниот гол за Палермо во поразот од Каљари во раната фаза од италијанскиот Куп
Несторовски и Трајковски беа стартери во составот на Палермо на гостувањето на Сардинија кај Каљари, а капитенот на тимот од Сицилија постигна и гол. Почесен за гостите, кои загубија со 2:1 и ги завршија натпреварите во италијанскиот Куп. Паволети му донесе предност на Каљари, потоа Несторовски израмни со гол во 52. минута, а повторно Паволети беше прецизен за триумф на домашната екипа.
Следна цел за Палермо е успешен старт на натпреварите во Серија Б во обидот да се обезбеди враќање во највисок ранг на натпревари во Италија.