18.1.2016 Жорди Алба ќе паузира десетина денови
Левиот бек на Барселона Жорди Алба на натпреварот против Атлетик Билбао доживеа повреда на задната ложа по што беше заменет.
Како што соопшти клубот на својата интернет страница, Алба ќе одмара следните 10 дена, односно ќе отсуствува на натпреварите против Атлетик Билбао во Кралскиот куп и гостувањето на Малага во Примера.
Сепак, најважна вест за Каталонците е дека незаменливиот лев бек ќе биде подготвен за големото дерби против Атлетико Мадрид кој е на програмата за 30-ти јануари.
На истиот натпревар се повреди и Лионел Меси, кој денес беше на медицински испитувања и не беше констатирана сериозна повреда.