30.9.2015 Санино на клупата на Карпи
Последнопласираниот тим на италијанското фудбалско првенство Карпи вчера го именуваше Џузепе Санино за нов тренер.
Санино потпиша договор до крајот на сезоната, а на клупата го замени Фабрицио Кастори, кој доби отказ само по шест кола во дебитантската сезона на Карпи во Серија А.
Санино во текот на кариерата ги водеше: Сиена, Палермо, Киево, Ватфорд и Катанија.
Карпи има само два бода, а убедливиот пораз од Рома со 5-1 минатиот викенд иницираше смена на Кастори. Тој го водеше Карпи од јуни минатата година, а во минатата сезона клубот го одведе во Серија А за прв пат во 106-годишната историја.