24.9.2015 Барселона против Америка или против шампионот на Азија
Фудбалерите на Барселона во полуфиналето на Светското клупско првенство во Јапонија ќе играат против победникот во дуелот меѓу мексиканската Америка и победникот во Лигата на шампиони во Азија, одлучено е вчера на ждрепката во Цирих.
Барселона и Ривер плате како континентални шампиони обезбедија директен пласман во полуфиналето, а аргентинскиот гигант во полуфиналето ќе се сретне со подобриот од натпреварот меѓу Оукленд сити и победникот на Лигата на шампиони во Африка.
Натпреварувањето почнува на десетти декември, а финалето се игра десет дена подоцна во Јокохама. Минатата сезона трофејот го освои Реал Мадрид со победата од 2-0 над аргентинскиот Сан Лоренцо.