27.6.2015 Баерн Минхен одбраната на титулата ја почнува со Хамбургер
Фудбалерите на Баерн Минхен одбраната на титулата во Бундес лигата ќе ја почнат на 14 август на домашен терен против Хамбургер.
Германскиот шампион минатата сезона го победи Хамбургер со убедливи 8-0 на својата „Алијанц арена“, а на гостувањето во Хамбург натпреварот заврши без голови.
Екипата на Пеп Гвардиола во второто коло ќе му гостува на Хофенхајм, а една недела подоцна ќе го пречека Баер Леверкузен.
Второпласираната екипа од минатата сезона, Волфсбург, новата сезона ќе ја отвори со натпреварот против Ајнтрахт на свој терен. Фудбалерите на Дитер Хекинг ќе се обидат новата сезона во Бундес лигата да ја почнат многу подобро од минатата година кога во првите четири кола имаа само една победа.
Првото дерби во новата сезона ќе се одигра веќе во првото коло кога Борусија Дортмунд ќе ја пречека Борусија Менхенгладбах, а Баер Леверкузен на свој терен ќе игра против Хофенхајм.