30.12.2014 Вест Бромич го отпушти Ирвин
Управата на Вест Бромич албион го отпушти Алан Ирвин, кој на местото тренер помина само седум месеци.
По поразот од Стоук со 2-0, кој беше седми во последните девет натпревари, Вест Бромич е дури 16-ти на табелата на Премиер лигата, со еден бод над опасната зона.
Како што пренесува Би-би-си, клубот веќе направил список на потенцијални замени, а меѓу имињата коишто се наоѓаат на самиот врв се Тим Шервуд, поранешниот менаџер на Тотенхем, како и Тони Пулис, некогашниот стратег на Стоук и на Кристал палас.