08.7.2013 Алтидор од АЗ Алкмар дојде во Сандерленд
Најдобриот американски фудбалер, Џози Алтидор, прејде од холандскиот АЗ Алкмар во англискиот премиерлигаш Сандерленд, потврди клубот од Холандија.
Дваесет и тригодишниот Алтидор минатата сезона со 23 гола беше четврти стрелец во холандскиот шампионата, а го постигна и победничкиот гол во финалето на Холандскиот куп против ПСВ (2-1). Во 55 настапи во дресот на репрезентацијата на САД постигна 13 голови.
Алтидор кариерата ја почна во Њујорк Ред булс, а по трансферот во Европа играше за Вилјареал, Ксерес, Хал, Бурсаспор и АЗ Алкмар. Со холандскиот клуб имаше договор до 2015 година, а не е објавено колкава отштета за него ќе плати Сандерленд.