Олсен го објави списокот на патници за ЕП

Мортен Олсен, селекторот на репрезентацијата на Данска, го објави списокот со имиња со кои ќе настапи на претстојното Европско првенство во Полска и Украина.

Но списокот сепак не е целосен, бидејќи Олсен остави уште три празни места коишто ќе бидат познати на 24-ти мај, веднаш по завршувањето на данскиот шампионат. Од познатите имиња на списокот се најдоа: Никлас Бентнер, Кристијан Ериксен, Даниел Агер и Симон Кјер, а мало изненадување е Томас Каленберг, дваесет и деветгодишниот играч за врска на Евијан, кој последен пат за репрезентацијата настапил во 2010 година.
Данска ќе игра во групата Б, во која се наоѓаат Холандија, Германија и Португалија, а пред заминувањето на континенталниот собир ќе одигра два подготвителни натпревари против Бразил и Австралија.
Повикани фудбалери се:
Голмани: Томас Соренсен (Стоук), Стефан Андерсен (Евијан Тоно Г.);
Одбрана: Андреас Бјеланд (Нордсјиланд), Даниел Агер (Ливерпул), Даниел Вас (Евијан Тоно Г.), Ларс Јакобсен (Копенхаген), Симон Кјер (Рома), Симон Поулсен (АЗ Алкмар);
Среден ред: Кристијан Поулсен (Евијан Тоно Г.), Вилијам Квист (Штутгарт), Кристијан Ериксен (Ајакс) Јакоб Поулсен (Митјиланд), Ласе Шоне (НЕК Најмехен), Михаел Силбербауер (Јанг бојс), Ники Симлинг (Клуб Бриж), Томас Каленберг (Евијан Тоно Г.);
Напаѓачи: Денис Ромедал (Брондби), Микаел Крон-Дели (Брондби), Никлас Бентнер (Сандерленд), Тобијас Микелсен (Нордсјеланд).