03.4.2012 Фиорентина го враќа Михајловиќ?
Управата на Фиорентина размислува повторно да го ангажира Синиша Михајловиќ за тренер, пренесуваат италијанските медиуми.
Михајловиќ во оваа сезона претходно доби отказ, а на негово место е доведен Делио Роси, но „виолетовите“ во последно време играат многу лошо и им претстои борба за опстанок во Серија А.
Фиорентина забележа само една победа на последните девет првенствени натпревари, а минатото коло загуби и од Киево со 2-1 и падна на седумнаесеттото место на табелата, па сега има пет бодови предност пред Лече, кој се наоѓа во опасната зона.
Пред Фиорентина, Михајловиќ седеше на клупата на Болоња и Катанија, а во моментов е еден од кандидатите за селекторското место на клупата на Србија.