30.10.2017 Вердер го отпушти тренерот по десет натпревари без победа
Германскиот бундеслигаш Вердер Бремен го отпушти тренерот Александер Нури откако не успеа да победи во првите десет натпревари оваа сезона.
Нури го одведе Бремен до осмото место во германското првенство минатата сезона, откако ја презеде екипата во септември 2016 година, кога таа беше на дното на Бундеслигата.
Вердер по десет одиграни кола во Бундеслигата оваа сезона, се наоѓа на претпоследното, 17-то место со пет бода и само со три постигнати гола.
Заедно со Нури си замина и неговиот помош Маркус Федхоф, еден ден по убедливиот пораз со 3-0 од Аугсбург во Бремен.
Екипата привремено ќе ја води Флоријан Кохфелд, тренерот на тимот Б, кој ќе биде на клупата на натпреварот во Бундеслигата против Ајнтрахт во петок.