Правила на игри на среќа во обложувалница

член 1
Со овие Правила се утврдува и се уредува организирањето, односно приредувањето на посебната игра на среќа – Игри на среќа во обложувалници.
Организатор на посебните игри на среќа во обложувалница (во понатамошен текст обложување) е правниот субјект: ДПУ СПОРТ-ЛАИФ ТРЕЈД ДОО Скопје, со седиште на ул. „Борис Трајковски” бр.198 – Скопје, ЕМБС 6220681 и ЕДБ 4030007632631.
Организаторот го приредува обложувањето на територијата на Република Македонија, во своите уплатно-исплатни места под име СПОРТ-ЛАИФ (SPORT LIFE ТМ) обложувалници, за цело времетраење на добиената Лиценца за приредување посебни игри на среќа во обложувалница број 41-40/4 од 16 јануари 2024 година, издадена од Владата на Република Северна Македонија.
Овие правила претставуваат општи услови за склучување на договор за учество во сите видови и типови на обложување кај организаторот, а кој се смета за склучен кога учесникот во посебни игри на среќа во обложувалница ќе изврши уплата кај организаторот на обложувањето.
Овие Правила ги обврзуваат и организаторот и учесникот, и тие се должни во целост да ги почитуваат.

член 2
Предмет на обложување е: игри на среќа во обложувалница, во која учесникот согласно Правилата на игра се обложува на идни реални настани или реални настани кои се во текот во времето на обложувањето, и тоа настани кои се однесуваат на:
- Спортски натпреварувања, трки и слични натпреварувања, определени со овие правила
- Танцови, пеачки, музички и слични натпреварувања, определени со овие правила
- Други натпреварувања, определени со овие правила.
Во понатамошниот текст, организаторот понудува различни видови и типови на обложување за учесниците, а кои се согласно Законот за игри на среќа на РСМ.

член 3
Учесникот може да се обложува на некои од следните понудени видови, односно типови на игри:

Горенаведените видови и типови игри за обложување се однесуваат на сите спортови, а може да се јави различна терминологија која е специфична за секој спорт одделно. Пример:
- за Хокеј се појавуваат термини како: прва третина, третина/крај;
- за Кошарка се појавуваат термини како: резултати по четвртини, погодоци по четвртини;
- за Тенис/Одбојка се појавуваат термини како: прв сет, прв гем, вкупно сетови, гемови;
- други спортови со соодветна терминологија.
Покрај горенаведените видови и типови игри, организаторот може да понуди и други видови и типови игри за обложување, за коишто има соодветни правила:
- оди понатаму за тим/натпреварувач (се типува 1 или 2 за тимот/натпреварувачот којшто се пласирал понатаму во кој било спорт, турнир, настан или слично. Тука покрај регуларниот дел, се земаат предвид и продолженијата и евентуалното изведување на пенали, при што едниот тим/натпреварувач мора да оди понатаму – во следна фаза);
- учинок на тим/натпреварувач (се типува 1 или 2 за тимот/натпреварувачот кој остварил некој учинок поголем или помал од зададена граница на: голови, кошеви, погодоци, асистенции, поени, бодови и слично);
- долгорочни облози – за победник или за пласман на натпревар/натпреварувач во одредено натпреварување (се типува како тип на игра 1 за натпреварот/натпреварувачот кој сметаме дека ќе биде победник на некој настан или пак ќе освои некој дефиниран опсег на пласман на: турнир, лига, куп, мото трка, формула, други трки, победник на пеачки, танцови двојки или слично);
- комбинирани игри (се типува на комбинации на сите горенаведените игри или нови типови игри, математички сублимирани во една игра согласно теорија на веројатност);
- супер тип (организаторот одбира одредени натпревари за кои понудува зголемени коефициенти за тековниот ден);
- специјален сингл (се типува сингл на низа настани кои се случуваат во текот на еден избран натпревар, како: почетен удар, прв аут, прв корнер, прв жолт картон, прв црвен картон, прва замена, прв стрелец на гол, последен стрелец на гол, стрелец во тек, автогол, прв офсајд и слично);
- замислени натпревари - погодување видови и типови за обложување помеѓу два понудени натпревари/натпреварувачи од страна на организаторот, каде што победникот од тој замислен натпревар се утврдува според реалниот скор на постигнати погодоци кои тие натпревари/натпреварувачи го постигнале на нивниот вистински натпревар;
- сингл натпревари - каде што играчот типува само на еден натпревар и на еден тип од сите постоечки игри. Сингл натпревари се само оние кои се посебно дозволени од страна на организаторот и тој има дискреционо право да ги лимитира, да ги забранува или повторно да ги дозволува;
- обложување во живо (се типува сингл или комбинација на сите видови игри и типови на настани дадени погоре, но кои се во текот на натпреварите, во живо, како: конечен тип, хендикеп, следен дава гол, вкупно голови, следен жолт картон, следен црвен картон и слично). Квотите за овие игри постојано се менуваат во текот на натпреварот и за оваа игра важат посебни правила дадени од организаторот кои се истакнати на видно место во објектот;
- други видови и типови игри, како и облози, а кои се согласно член 2 од овие правила или кои произлегуваат од математички определени веројатности на реални настани претставени како: квота, односно коефициент.

член 4
Организаторот е должен овие Правила на игра во обложувалница да ги истакне на видно место во сите свои уплатно-исплатни места, на веб-страницата www.sportlife.com.mk или во билтенот, т.е. понудата за обложување.

член 5
Услов да се учествува во игри на среќа во обложувалница е учесникот да не е помлад од 18 години и да се придржува на правилата на играта на среќа „Обложување на игри на среќа во обложувалница” кои ги одредил нивниот приредувач.
На лица под 18 години им е забранет влез во уплатно-исплатните места.
На лица под 18 години им е забранета уплата на тикети.
Организаторот има право да ги легитимира учесниците доколку постои сомневање дека не го исполнуваат став 1, 2 и 3 од овој член.

член 6
Учесниците при пополнувањето на тикетите, треба да ги назначат сите елементи потребни за учествување во обложувањето. 
При уплата на секој тикет, задолжително се наведува: видот на играта, точниот број на одиграните комбинации и задолжително читко да се напише шифрата на одиграните натпревари. Во спротивно, тикетот ќе се смета за непотполн и нема да се изврши уплата.

член 7
Учесниците со извршената уплата добиваат уплатен тикет/тикети, на кој јасно се дефинирани сите елементи на обложувањето: коефициентите, уплатата и евентуалната добивка.
Обложувањето се одвива исклучиво во уплатно-исплатните места на Спорт-Лаиф Трејд, лоцирани во Република Северна Македонија.
Уплатата се врши на терминалите кои се со или без оператор за уплата на приредувачот поврзани со НИС на УЈП, кои се наоѓаат во уплатно-исплатните места назначени на списокот, што е согласно Законот за игрите на среќа и правилникот за техничко-технолошките и просторните услови, донесени од Министерството за финансии на РСМ.

член 8
Учесниците во играта обложување се должни да ги почитуваат правилата за услови и минимален број натпревари за секој тип или вид на игра, доколку постојат. Обложувалницата го задржува правото да ги менува условите на игра, но по претходно одобрување од страна на Министерството за финансии. 
Со објавување на евентуални нови/променети Правила за игри на среќа во обложувалница одобрени од страна на Министерството за финансии, автоматски старите Правила се ставаат надвор од сила.
Обложувалницата го задржува правото на објава на дополнувања на основните правила со добивање на одобрение од МФ, а со самото објавување во билтенот, тие стануваат важечки.
Доколку учесникот уплатил тикет кој по кој било основ не ги исполнува правилата за обложување, организаторот има право тој тикет да го прогласи за неважечки и да му го врати уплатениот влог на учесникот.

член 9
Висината на уплатата и исплатата ќе биде лимитирана во поглед на минималниот износ на уплата или максималниот износ на исплата по единечен тикет. Минималната уплата по тикет е 20 денари, а максималната исплата по тикет може да достигне до 10.000.000 денари, зависно од бројот на одиграни парови на тикетот.
Висината на минималната уплата и максималната исплата може да се менува по претходна најава и објава, по претходно одобрување од МФ. За секоја евентуална промена на висината на минималната уплата и максималната исплата по тикет, организаторот е должен навремено да ја објави на видно место во објектот, на интернет-страницата или во билтенот.

член 10
Играчот (учесникот) може да изврши уплата на тикет најдоцна до почетокот на првиот натпревар од предвидените на коишто сака да се обложи. Се препорачува играчите да ги уплаќаат своите тикети 15 минути пред почетокот на натпреварот (настанот) и должни се да ги проверат нив. 
Играчот (учесникот) може да изврши уплата на повеќе групи натпревари во еден тикет – наречен мултигруп тикет. Мултигруп тикет претставува системски тикет каде што погодена група од натпревари е услов во системот.
Приговори во однос на тикетот или сторнирање на тикет ќе важат само во случај да не е започнат ниеден натпревар на тикетот и да не е применет членот 18 од овие Правила за некој одреден натпревар.
Сторнирање на уплатен тикет е дозволен максимум 15 минути по неговата уплатата. Подоцнежни рекламации и сторнирање не се признаваат.

член 11
Во случај кога ќе се изврши уплата за натпревари кои веќе започнале или се одиграни во моментот на уплатата, организаторот има право тие натпревари да ги прогласи за неважечки, односно да ги поништи. Тие натпревари во обработката ќе се пресметуваат со коефициент 1.
Доколку се утврди грешка во некоја од квотите (коефициентите) или границите (хендикепите) од изиграниот тикет, организаторот има право тие типови да ги прогласи за неважечки, односно да ги поништи. Тие натпревари во обработката ќе се пресметуваат со коефициент 1.

член 12
Добитен тикет, односно добитна комбинација е таа комбинација која нема ниту еден промашен тип или има погодени барем минимум натпревари од условот доколку играчот играл условен тикет - систем. 
Еден пар не може да се игра повеќе пати во иста комбинација, освен доколку тоа не е дополнително назначено од страна на организаторот.
Добитна комбинација на тикет може да има и доколку организаторот понуди облози кај кои играчот дури и со еден или повеќе промашени настани исполнува зададени услови (кои се однапред објавени).
Исто така, организаторот може да понуди облози кај кои играчот, со погодување на настани и исполнување на дополнителни зададени услови (кои се однапред објавени), може да добие дополнителен бонус, односно процентуално поголема добивка од предвидената.
Организаторот може да понуди т.н. кешаут исплата, односно исплата на тикет во којшто има погодено дел од натпреварите на тикетот, а за останатите натпревари во моментот на кешаут се пресметува еквивалентен коефициент, со кој се врши пресметка на добивка. Во тој случај таквиот тикет добива статус добитен и се исплаќа, но со намалена сума произлезена од гореспоменатата пресметка.
Во случај на мултигруп тикет, тој добива статус добитен по завршувањето на сите натпревари во сите групи кои се наведени во тикетот. А мултигруп тикет има добитна комбинација доколку барем една група натпревари наведени во него е со погодени типови.

член 13
За исплата на евентуалните добивки, се признава само тикет издаден/заверен/потврден од страна на организаторот, кој притоа нема никакви преправки. Доколку играчот го нема добитниот тикет, обложувалницата нема обврска да го исплати.

член 14
Исплата се врши најрано 2 часа по завршетокот на соодветните натпревари, односно на последниот натпревар на тикетот, а најдоцна во рок од 60 дена од денот на завршување на последниот натпревар од тикетот. 
Доколку организаторот не може да обезбеди официјален извештај од некој натпревар одигран на тикетот, има право да ја пролонгира исплатата до моментот кога резултатот ќе биде официјален и обработен. 
Доколку играчот не дојде во одредениот рок од 60 дена од денот на завршување на последниот натпревар на тикетот, се смета дека се откажал од исплатата и обложувалницата го задржува правото да не ја изврши исплатата по одредениот рок.
Исплатата на добивките со вредност помала од 500.000,00 денари во нето-износ се врши на уплатното-исплатно место на приредувачот.
Исплатата на добивките во вредност еднаква или поголема од 500.000,00 денари во нето-износ се врши на трансакциска сметка на добитникот.
Исплата на добитен тикет се врши на доносителот на добитниот тикет, при што доносителот се идентификува за целите на данок на личен доход.
За извршената исплата приредувачот на доносителот на добитниот тикет на којшто му се врши исплата му издава потврда за извршената исплата согласно Законот за личен доход.
Лицето на кое му се врши исплата задолжително на потврдата од став 7 на овој член своерачно внесува име и презиме и краток потпис. Приредувачот задржува еден примерок од потпишаната потврда.

член 15
Важечки резултат за еден настан или натпревар кој е предмет на обложување е резултатот постигнат на крајот на регуларниот тек на натпреварот, крајот на трката или настанот (пр.: 90-та, 60-та, 48-та, 40-та минута итн., што зависи од видот на натпреварот, спортот или настанот), а продолженијата не се важат, освен за играта оди понатаму или за некои игри кои ќе бидат однапред нагласени во билтенот.
Доколку некој настан се игра по формат различен од стандардниот, тогаш овој резултат се зема за валиден ако и само ако биде објавен во понудата или огласен на видно место во објектот.

член 16
Дoколку еден натпревар е прекинат од кои било причини, се чека 48 часа за негово доигрување или преигрување, при што натпреварот ќе се регистрира и ќе се обработи согласно постигнатиот резултат од доигрувањето, односно преигрувањето соодветно. 
Ако започнатиот натпревар се прекине кога било пред регуларното завршување на натпреварот и не продолжи во рок од 48 часа од почетокот на натпреварот, сите облози чиј исход до моментот на прекинот не е познат ќе се обработат со коефициент 1.
За сите облози чиј исход е познат до моментот на прекинот, постигнатиот резултат е важечки и овие одиграни типови ќе се обработат регуларно.
Ако започнатиот натпревар се прекине пред завршувањето на натпреварот (на пример: во 28-ма минута) и не продолжи во рок од 48 часа или се одлучи дека натпреварот ќе се преигра од првата минута, првичниот натпревар ќе се смета за прекинат. Затоа таквиот натпревар ќе се обработи како прекинат (во 28-ма минута), според резултатот кој е постигнат до моментот на прекинот, и сите облози чии исход до моментот на прекинот не е познат ќе се обработат со коефициент 1.
Во случај на прекин на натпреварот поради одредени настани на натпреварот (на пример: напуштање на играта од страна на еден од тимовите) и натпреварот се затвори со официјален (службен) резултат, официјалниот резултат нема да се земе предвид, туку натпреварот ќе се обработи според правилата за прекинати натпревари, според резултатот кој бил во моментот на прекинот на натпреварот.
Дополнително, само за фудбалски натпревари, доколку натпреварот ја започне својата 85-та минута, тогаш резултатот постигнат до тој момент ќе се регистрира како конечен резултат, без разлика на околностите кои настанале по тој момент. Поточно, доколку се случи натпреварот да биде прекинат по наведениот момент (пример: во 88-ма минута), тогаш тој во обработката на резултати не се смета за прекинат, туку се смета како завршен натпревар и се пресметува со постигнатиот резултат до тој момент, за сите видови и типови игри.

член 17
Доколку еден натпревар е одложен од кои било причини, но сепак започне во рок од 48 часа од првичниот предвиден термин за почеток, за тој натпревар важечки ќе биде постигнатиот резултат.
Доколку натпреварот е одложен од кои било причини, а тој не започне во рок од 48 часа од предвидениот термин за почеток, за тој натпревар ќе се пресмета коефициент 1 за сите видови и типови игри, освен за играта Вкупно голови во лига, каде што ќе се смета како да се постигнати точно 2 гола на одложениот натпревар. 
Во случај на одложување на половина или повеќе од половина натпревари од една лига, тогаш и за играта Вкупно голови во лига на која ѝ припаѓаат тие натпревари ќе се пресмета коефициент 1.
Во случај одложениот натпревар да започне точно на истекот на 48 часа од првично закажаниот термин, за важечки се смета постигнатиот резултат на натпреварот (пример: ако натпреварот е предвиден за сабота во 20:00 часот, се одложи, па се одигра во понеделник точно во 20:00 часот).

член 18
Организаторот го задржува правото одредени натпревари, настани, натпреварувачи, видови или типови на игри да ги прогласи за неважечки и да ги поништи, и тоа:
- Доколку за одреден натпревар/настан се утврди евидентна грешка за времето и местото на одигрувањето на натпреварот.
- Доколку се утврди погрешен пар/натпреварувач во понудата.
- Во случај одреден натпреварот/настан да започне пред датумот и времето наведени во билтенот, а постојат тикети што се уплатени по реалниот почеток на конкретниот натпревар.
- Во случај на неважечки (поништен) натпревар поради горенаведените причини, при обработката за тој конкретен натпревар се пресметува кофициент 1 за сите видови и типови игри.
Покрај ова, доколку на одреден натпревар/настан се утврди евидентна грешка врзана за објавените коефициенти од страна на организаторот (т.е. коефициенти кои значително се разликуваат од пазарот на коефициенти во државата или светската берза на коефициенти или обратни коефициенти во однос на фаворитот на натпреварот), типовите изиграни со овие коефициенти организаторот ќе ги поништи и ќе пресмета со коефициент 1.

член 19
Организаторот има право да ги промени квотите објавени во билтенот во текот на денот. За играчите се важечки квотите во моментот на уплатата и кои се јасно прикажани на самиот тикет, освен за натпревари кои подлежат на членот 18, за кои ќе се пресмета коефициент 1. 

член 20
Организаторот вообичаено, секој вторник и петок во неделата издава билтен, односно понуда за обложување во која се наведуваат сите спортски и други натпревари со соодветните коефициенти за одредени игри кои се предмет на обложување. 
Организаторот има право секојдневно да објавува дополнување на билтенот, со нови настани или со промени на коефициенти.

член 21
За исходот на натпреварот од кој било спорт, стрелците, корнерите, жолтите картони, црвените картони, офсајдите, времето на првиот гол и други евенти поврзани за него, важат официјалниот резултат и извештајот по крајот на натпреварот, кој е објавен на официјалните интернет-страници во рок од 48 часа по крајот. Доколку во меѓувреме или подоцна се промени или се дисквалификува некој настан надвор од теренот, на зелена маса, со одлука на некое организационо или координативно тело (по приговор на некоја екипа, по дисквалификација на некој играч или екипа од кои било причини, поради допинг-тестови, поништување на натпреварот со службен резултат, преименување на стрелец на некој гол и слично), тие резултати не се земаат предвид и останува да важи претходниот исход со којшто е извршена обработката на тикетите.
Доколку натпреварот е прекинат, се постапува по член 16 од овие Правила, без разлика на евентуална подоцнежна промена, преигрување, дисквалификација или која било подоцнежна одлука надвор од теренот.

член 22
Специфични правила по спортови, трки или типови игри кои може да се разликуваат од генералните и се специфични за тој одреден спорт, настан или вид на обложување:

Правила за фудбал:
- Во случај на погрешен пар на фудбалски натпревар, парот се прогласува за неважечки (поништен) и за тој пар, за сите игри се пресметува коефициент 1. 
- Жолти или црвени картони кои се доделени по официјалниот крај на мечот, или се доделени на играчи кои не се во игра, тренерот или кое било друго официјално лице на натпреварот, не се земаат предвид кај игрите поврзани со овие настани.
- Доколку се случи за играта Прв црвен картон или Прв жолт картон, судијата картонот да го додели истовремено на двајца или повеќе играчи (при ист прекин), тогаш за тие игри се пресметува коефициент 1.

Правила за тенис:
- Се игра конечен тип, прв сет, вкупно сетови или хендикепи на гемови или сетови зависно од тоа кој игри ќе ги дозволи организаторот. Може да се врзува со останатите игри во билтенот, освен ако тоа не е поинаку нагласено.
- Во случај на погрешен пар во тенис, парот се прогласува за неважечки (поништен) и за тој пар, за сите игри важи коефициент 1. 
- Доколку еден од двајцата играчи се откаже пред да започне натпреварот, парот се прогласува за неважечки и за тој пар, за сите игри важи коефициент 1. 
- Во случај да дојде до предавање на мечот од еден натпреварувач, се пресметува коефициент 1 (за сите отворени игри) без разлика дали мечот започнал или не. 
- Доколку некој регуларен натпревар во тенис се одложи пред почетокот на мечот или се прекине во текот на мечот (поради дожд, мрак или слично), се чека неговиот исход без разлика дали поминале 48 часа (важи само за тенис, бидејќи тој натпревар мора да добие своја завршница)

Правила за бејзбол:
- Се игра конечен тип (1 или 2). Може да се врзува со останатите игри во билтенот освен ако тоа не е поинаку нагласено.
- Во случај на погрешен пар во бејзбол, парот се прогласува за неважечки (поништен) и за тој пар, за сите игри важи коефициент 1. 
- Доколку натпреварот е одложен, не се чека 48 часа за доигрување, туку веднаш утредента се пресметува коефициент 1.
- Доколку натпреварот е прекинат, сите отворени игри се пресметуваат со коефициент 1.
- Доколку се случи еден ист натпревар да се игра двапати во еден ден (само во бејзбол), се зема предвид првиот одигран натпревар (со саатницата дадена во додатокот или билтенот).

Правила за трки во Формула 1 и мототрки, скијање, ски-скокови, велосипедизам, учиноци на играчи и сите останати индивидуални и екипни спортови за кои организаторот приредува обложување за победник или пласман на натпреварувач на тој настан:
- Се игра победник (за пол-позиција или трка), од прво до трето место (за пол-позиција или трка), од прво до шесто место (за пол-позиција или трка), дуели на натпреварувачи (за пол-позиција или трка) или индивидуален учинок на одреден натпреварувач во некој спорт (број на голови, кошеви, поени, асистенции итн.). Може да се игра како сингл или да се врзува со останатите игри во билтенот, освен ако тоа не е поинаку нагласено.
- Доколку натпреварувачот е погрешен, квотата е погрешна, трката е одложена или прекината, се пресметува коефициент 1
- Доколку натпреварувачот не се појави на стартот на трката (или пол-позиција), за тој натпреварувач соодветно се пресметува коефициент еден. Тоа се случува и ако се појави на загревачки круг, а не ја стартува трката. Меѓутоа, доколку натпреварувачот ја стартувал трката, тогаш се зема предвид неговиот пласман без разлика дали ја завршил трката до крај или предвреме од кои било причини. Доколку трката стартува, се прекине и стартот пак се повтори (поради безбедност, судир итн.), се смета првиот старт и оние натпреварувачи коишто стартувале со него.
- За пол-позиција, за валиден резултат се смета како завршила трката за пол-позиција и само тој редослед е регуларен. Доколку подоцна некој од натпреварувачите е дисквалификуван (на зелена маса) поради кои било причини, тие резултати не се земаат предвид.
- Во играта дуели на возачи, доколку двајцата возачи не ја завршат трката, се пресметува коефициент 1 за тој пар. Доколку едниот од натпреварувачите не ја започне трката, исто така се пресметува коефициент 1.
- За играта индивидуален учинок од играчи, доколку натпреварувачот воопшто не влезе на натпреварот, се пресметува коефициент 1.

Правила за обложување во живо:
- Натпреварите што во моментот се следат во живо можат да се играат сингл, можат да се врзуваат меѓусебно на тикет без никакви услови, можат да се врзуваат со натпревари од стандардната понуда, како т.н микс-тикети. На еден тикет може да има минимум еден, а максимум 50 типови од натпревари кои се играат моментно (во живо) или во комбинација со незапочнати.
- За обложувањето во живо важи коефициентот во моментот на уплатата, за типот на играта која е играна и која јасно излегува на тикетот.
- Тикетите во Обложување во живо не можат да се сторнираат. Се молат играчите јасно и експлицитно да кажат која игра и кој тип го играат и за колкава уплата. Подоцнежни рекламации не се признаваат.
- Коефициентите на натпреварите кои се во понудата за обложување во живо вообичаено постојано се менуваат согласно текот на играта, моментниот резултат и времето. Организаторот го задржува правото да прави какви било корекции на коефициентите од натпреварите во живо, да го стопира и повторно да го активира обложувањето на кој било натпревар, во кое било време, да ги дозволува или да ги забранува сите игри или комплетно да го стопира обложувањето, согласно неговото лично убедување.
- Исплатата на добитните тикети се врши веднаш по обработката на резултатите од натпреварите, со приложување на добитниот тикет.
- Доколку во просториите на букмејкерите организаторот не може да обезбеди пренос на натпреварот од техничка причина (нема слика, снемување на интернет или струја), сите тикети на чекање (ОТВОРЕНИ УПЛАТИ) ќе се обработат со коефициент 1. Така е и доколку од технички причини се прекине дистрибуцијата на коефициенти.
- Коефициент 1 во обложување во живо ќе се пресмета и во следниве случаи:
Секоја одиграна игра што немала смисла, односно не одговара на моментната ситуација на теренот (на пример: тука спаѓа можност ако случајно се одигра следен гол, а тој веќе паднал, можност за одигрување на пенал ако веќе е досуден, можност за играње на црвен картон ако е веќе доделен и така натаму). Ова се напомнува, бидејќи преносот или интернетот понекогаш може да доцни. Рекламации по оваа основа не се прифаќаат.
- Во случај на прекин на натпреварот, сите необработени тикети на чекање (ОТВОРЕНИ УПЛАТИ) кои содржат типови од натпреварот кои не се завршени/довршени,  ќе важат во рок од 48 часа во случај на доигрување. По истекот на рокот, овие отворени типови ќе бидат пресметани со коефициент 1. 
- Како исклучок од ова правило, за натпреварите во спортот ТЕНИС, во случај на прекин на тенискиот меч, а тој меч се доигра во наредниот период, сите типувања важат и тикетите се на чекање до доигрување на мечот, но не подолго од времетраењето на целиот тениски турнир.
- Ако е доделен црвен картон или жолт на играч по означување крај на натпреварот, тој не се смета за важечки во обработката. Црвен/жолт картон кој е доделен надвор од теренот (резервен играч или тренер) не се смета за важечки.
- Во случај на тенис, ако дојде до предавање во текот на мечот од страна на некој од тенисерите, сите ОТВОРЕНИ УПЛАТИ ќе се пресметаат со коефициент 1.
- Ако на тениски натпревар е променет парот, односно на терен не излезе парот кој бил најавен, за сите игри ќе биде пресметан коефициент 1.
- За сите натпревари во кои може да има победник по продолженија (евентуално пенали), кај обложувањето во живо ќе се понудат засебни типови игри, кои ги вклучуваат и овие продолженија. Тие типови се јасно истакнати на ТВ-приказот и на самиот тикет. За сите останати типови важи резултатот до завршувањето на регуларниот дел на натпреварот.
- Сите типови на игри и нивното објаснување, кои можат да се типуваат на обложување во живо, ќе бидат истакнати на јавно место во уплатно-исплатното место или на веб- страницата www.sportlife.com.mk

Правила за програма за лојалност - СЛ Клуб:
- СЛ Клуб е програма за лојалност и рангирање на редовните обложувачи во обложувалниците SPORT LIFE. Со своите веќе уплатени тикети, погодени или промашени, играчите, т.е. членовите во Спорт-Лаиф Клубот се натпреваруваат кој е поуспешен во типувањето, собираат поени со кои добиваат одредени привилегии од страна на организаторот, имаат пристап до своите уплатени тикети итн.
- Член на СЛ Клубот може да биде секој граѓанин на РМ кој има наполнето 18 години. Секој член на овој клуб мора да поседува членска клуб-картичка која ја издава Спорт -Лаиф Трејд. За да се добие картичка, секој кандидат треба:
• да пристапи на интернет-страницата www.sportlife.com.mk
• да се регистрира како корисник на интернет-страницата со пополнување на формуларот (на линкот: регистрирај се). Податоците кои треба да се пополнат се:
- Име и презиме,
- адреса на живеење,
- број на лична карта, 
- единствен матичен број на граѓанинот, 
- банкарска сметка,
- корисничко име, 
- лозинка и 
- контакт информации (мејл-адреса, телефон..). 
• податоците од претходната точка, т.е. алинеја 1, 2, 3, 4, 6, 7 и 8 се задолжителни, додека алинеја 5 доколку играчот е согласен. 
• да го посети најблиското уплатно-исплатно место на Sport Life обложувалниците (со лична карта за увид како доказ за идентитет и возраст), каде што ќе го добие формуларот во печатена форма. Тој треба да се дополни и да се потпише.
• Спорт-Лаиф Трејд по ова барање ќе креира електронски запис за корисникот и му издава електронска картичка со уникатен број во која електронски се запишани и криптирани податоци за идентификација на корисникот. Картичката има пин - заштита позната само за операторот, поради што не може да се копира. 
• Со креирање на оваа СЛ картичка, за корисникот се врши евиденција на сите уплатени тикети (добитни и недобитни), како и износите на уплатените средства, остварените добивки или повлекување на неискористените средства.
- Секој играч може да поседува само една СЛ Клуб картичка
- Податоците на играчите кои се земаат за да се издаде СЛ Клуб картичка се согласно позитивните законски прописи од Законот за заштита на лични податоци.
- Со електронската СЛ Клуб картичка не се вршат никакви финансиски трансакции, односно таа служи само за верификација и идентификација на лојални играчи во обложувалницата и за евидентирање на средствата на корисникот.
- За сите членови на СЛ Клуб се врши рангирање според лојалноста и редовноста во играњето (ТИПСТЕР КУП, СЛ МАРКЕТ итн.).
- За сите членови на СЛ Клуб се дефинира соодветно рангирање кое може да биде според некој параметар: извршени уплати, број на уплатени тикети, број на одиграни натпревари на тикетите, последователни денови на играње итн., со што тие добиваат различен статус за привилегии во однос на нивното понатамошно играње.
- Секој играч со сите свои тикети е во конкуренција за ТИПСТЕР КУП рангирање (без разлика дали се добитни или недобитни), но мора да биде член на СЛ Клуб на играчи (програма за лојалност), односно да има електронска картичка од SPORT LIFE, која се приложува при уплата на тикетите во уплатно-исплатните места.
- Секој играч со сите свои тикети уплатени со приложување на СЛ Клуб картичка (без разлика дали се добитни или недобитни), добива поени за СЛ Маркет, кои се доделуваат на неговиот кориснички интерфејс.
- Секој член на СЛ Клуб има пристап до својот кориснички интерфејс на www.sportlife.com.mk преку свое корисничко име и лозинка, каде што може да ја види состојбата во сите кампањи од програмата на лојалност: статус, поени за СЛ Маркет, бодови и пласман за ТИПСТЕР КУПОТ , своите изиграни тикети итн.
- При уплата на тикетите, членот на СЛ Клуб мора задолжително да си приложи членската картичка за да може тие тикети да влезат во конкуренција за ТИПСТЕР КУПОТ, СЛ МАРКЕТ или која било друга кампања од програмата за лојалност.
- Кај ТИПСТЕР КУПОТ, секој тикет уплатен со приложена картичка е конкурентен во борбата за бодови, а бодови во еден ден носи само тикетот со најмногу поени (бодови). Тоа значи дека месечно секој играч-типстер може да има бодувани максимум тикети колку што има денови во месецот.
- Сите бодови од тикетите се сметаат во табелите за генералниот, месечниот пласман и локалниот пласман. Дополнително, за секој плус одигран тикет во текот на еден ден (покрај најдобриот бодуван тикет кој ќе влезе во конкуренција), типстерот автоматски добива 10 бода. По овој основ може да се освојат максимум бодови колку што е предвидено во правилата за ТИПСТЕР КУПОТ, а може да се играат неограничен број тикети кои можат да влезат во конкуранција за најдобар тикет на денот.
- Сите глобални и локални пласмани ќе бидат истакнати и редовно ажурирани на видно место во сите уплатни места, на интернет-страницата или во билтенот на Sport Life.
- Конечните месечни табели за пласманите на учесниците на локално и глобално ниво во ТИПСТЕР КУПОТ ќе се објавуваат на осмиот ден од следниот месец. Дотогаш ќе бидат завршени сите обработки на бодови за тикетите коишто влегуваат во конкуренција, а кои календарски се уплатени во тој месец. Тоа значи дека доколку се уплатат тикети во последните денови на месецот, а тие содржат и парови кои се играат во првите седум дена во наредниот месец, тие ќе се обработат и ќе влезат во конкуренција на месечното ниво за тој месец. По тие седум дена, доколку кај некои тикети уплатени во месецот сè уште постојат парови кои се необработени, односно незапочнати или незавршени натпревари, тие парови (само за ТИПСТЕР КУП) ќе се пресметаат како промашени. По седмиот ден, за претходниот месец во рамките на наптреварувањето ТИПСТЕР КУП, се смета дека обработката е завршена и бодовите се конечни за сите тикети коишто влегуваат во конкуренција во сите табели, без разлика на локално или глобално ниво. Месечните табели (глобални и локални) се ресетираат на почеток на наредниот месец.
- Тикетите кои се уплаќаат во првите седум дена од новиот месец, влегуваат во конкуренција за тој тековен месец и се пресметуваат во новооформена табела за тековниот месец, на локално и глобално ниво.
- Долгорочните игри, како што се „победник” или „пласман“ (на првенство, турнир, настан од различни спортови), или пак играта „Оди понатаму“, во делот кога се чекаат исходи надвор од тековниот месец, односно по седмиот ден од наредниот месец, нема да се земат предвид за играта ТИПСТЕР КУП, т.е. тие парови во пресметката на бодови ќе се пресметаат како промашени.
- Сите тикети кои се календарски уплатени во рамките на еден месец, влегуваат во конкуренција само за тој месец, без разлика дали содржат парови кои можеби се играат на почетокот на наредниот месец (максимум првите седум дена).
- Тикетите во ТИПСТЕР КУП ќе се бодуваат по точно одредена формула која е јавно истакната во уплатно-исплатните места и на веб-страницата www.sportlife.com.mk. Таа формула е непроменлива и валидна за еден месечен циклус во ТИПСТЕР КУП. 
- Тикетите во СЛ Маркетот добиваат поени според согласно точно одредена формула која е јавно истакната на веб-страницата www.sportlife.com.mk.
- Поените добиени во СЛ Маркетот се со важност од 24 месеци, односно секој месец се бришат неискористените поени доделени пред 24 месеци.
- Сите соодветни и дополнителни правила, објаснувања, прецизирања и рекламни кампањи кои се дел од програмата за лојалност - СЛ Клуб редовно ќе бидат  објавувани и ажурирани на веб-страницата www.sportlife.com.mk, со што се сметаат за важечки.
- На играчите регистрирани во СЛ Клубот им се овозможува безготовинска уплата преку регистрираната банкарска сметка на СЛ Клуб картичката или со уплата на средства директно и непосредно во некое од уплатно-исплатните места на обложувалницата, за што играчот добива вредносен ваучер во висина на уплатените средства. Принципот се состои од евидентирање на безготовинско уплатените средства или уплатата во уплатно-исплатно место за кои се издава ваучер. Тие уплати (безготовински или со Ваучер) се евидентираат на СЛ картичката со соодветни методи за автентикација и авторизација на сопствениците на картичките, со цел да ги користат средствата евидентирани на нив.
- При извршена безготовинска уплата од страна на член на СЛ Клуб, приредувачот автоматски таа безготовинска уплата ја евидентира како Ваучер на неговата СЛ картичка.
- При извршување на уплата на уплатно-исплатно место за која се издава ваучер, обложувалницата печати ваучер (слип) во два примерока со кој ги наведува бројот на картичката и сумата на уплата, тој се потпишува од страна на играчот, а обложувалницата еден примерок чува во каса како потврда за извршена готовинска уплата, а другиот примерок го дава на играчот за креиран ваучер на СЛ Картичката.
- Членот на СЛ Клуб подоцна се логира на веб-страницата www.sportlife.com.mk и таму има можност да припрема или креира тикети, за кои самиот одбира каде и во кое уплатно-исплатно место ќе ги уплати. За секој креиран тикет, потврден за уплата од страна на корисникот, во соодветното уплатно-исплатно место кое го избрал, во истиот момент, во истото уплатно-исплатно место се печати тикет и фискална сметка, што претставува регуларен промет на обложуваницата. Уплатата за креираниот тикет е со користење на средства од Ваучер евидентиран на СЛ Клуб Картичката. 
- Корисникот во својот кориснички профил има целосен увид во сите трансакции, сите уплатени тикети и преостанатите средства на евидентираните Ваучери на СЛ Клуб картичката.
- Во случај корисникот да уплати тикет кој подоцна ќе биде добитен, покрај стандардниот начин на готовинска исплата со приложување на СЛ картичката во самото уплатно-исплатно место, може да побара и евидентирање на добивката како нов Ваучер на СЛ Клуб картичката. Доколку играчот го евидентира добитниот тикет како нов Ваучер на неговата СЛ Картичка, средствата на Ваучерот се зголемуваат за нето-добивката од тикетот (нето-добивката на добитниот тикет изнесува сумата која треба да се исплати по пресметка и одбивање на данок од 15% согласно Законот за игри на среќа кој важи за секој добитен и исплатен тикет). За сите добитни тикети се пресметува и се задржува персонален данок на добивка, со сите параметри и податоци кои произлегуваат од Законот за игри на среќа и Законот за  данок на  личен доход.
- Безготовинските уплати или уплатите на Ваучери евидентирани на СЛ картичката не претставуваат промет на Спорт-Лаиф Трејд ДОО, туку се само евидентирани средства на корисниците (играчите). Промет на обложувалницата, согласно Законот за игри на среќа на РМ, преставува уплатата на тикет кој физички се печати во точно одредено уплатно-исплатно место избрано од клиентот член на СЛ Клуб, каде што воедно се печати и фискална сметка и се генерира О пратка за УЈП, согласно поврзувањето на НИС на УЈП.
- Во секој момент, кој било корисник член на СЛ Клуб кој има евидентирано средства на СЛ картичка, може тие да ги повлече до висина на неискористените средства во кој било објект на Спорт-Лаиф или со безготовински трансфер. При евентуална исплата на средства кон играчот член на СЛ Клуб кои се евидентирани на неговата СЛ картичка во некое од постоечките уплатно-исплатни места, обложувалницата печати потврда (слип) во два примерока со која ги наведува бројот на картичката и сумата која се повлекува, таа се потпишува од страна на играчот, а обложувалницата едната потврда ја чува во каса како потврда за извршено повлекување од средства на СЛ картичка, а другата му ја враќа на играчот како негова евиденција.
- Обложувалницата води посебен регистар на сите членови на СЛ Клуб.

член 23
Играчите имаат право на приговор и на исплатата доколку сметаат дека се оштетени и во тој случај организаторот е должен да го образложи спорниот тикет (се разбира, според правилата на игра). 
Рокот за приговорот е 8 дена од денот на завршување на последниот натпревар од тикетот. Организаторот е должен да одговори на приговорот во рок од 8 дена од приемот на приговорот. 
Во случај спорот да не може да се реши по договорен пат, се постапува според последниот член од овие Правила. 

член 24
УтвУтврдувањето на резултатите од спортските и останатите натпревари и настани кои се предмет на обложување се одредуваат од официјалните интернет-страници на соодветните фудбалски лиги, или други спортски асоцијации, или телетекст на одредени светски телевизии и светски обложувалници, потврдени со други електронски и печатени медиуми (вклучувајќи платени интернет-страници чија основна дејност е следење резултати од спортски натпревари).
Резултатите од сите натпреварувања или настани кои организаторот ги понудил во понудата за обложување ќе бидат истакнати на огласната табла во секое уплатно-исплатно место, како и на интернет-страницата на обложувалницата. 

член 25
Играчите сами, по свој избор се обложуваат на одделни спортски натпревари или настани кои се претходно објавени (се разбира, со соодветните коефициенти) во билтенот што го издава организаторот, односно додатоците на билтенот.
Играчите сами ја одредуваат уплатата, бројот на натпреварите на тикетот (важно е да биде исполнет некој од условите за минимален број натпревари на некоја игра, доколку постојат), односно сами си ја одредуваат висината на евентуалната добивка, т.е. добитниот коефициент. 
Добивката се утврдува по пат на компјутерска обработка на сите тикети, по внесувањето на официјалните резултати од натпреварите или настаните (согласно претходниот член од овие Правила). 
Во случај на добивка, играчите се појавуваат на уплатно-исплатното место и со предавање на оригиналниот тикет кај овластеното лице, тој ќе биде исплатен. 
При исплата на добитен тикет, играчот е должен да покаже лична карта на увид, со цел организаторот да го евидентира со: име, презиме, матичен број и адреса, како неопходни податоци согласно Законот за игри на среќа на РМ за исплата на добивки од посебни игри на среќа во обложувалница.
Организаторот води посебна евиденција за сите примени уплати и сите извршени исплати.
Организаторот ги објавува резултатите на сите натпревари од понудата на огласната табла во своите уплатно-исплатни места и на официјалната интернет-страница на обложувалницата.

член 26
Секој поединечен добитен тикет согласно Законот за игри на среќа и Законот за данок на личен доход подлежи на данок на добивка од игри на среќа кој се пресметува како разлика помеѓу добивката и уплатата на тикетот. Данокот на добивка од игрите на среќа се одбива од добивката на добитниот тикет и остатокот му се исплаќа на играчот. Организаторот е должен да го уплати данокот за секој таков тикет.
Организаторот е должен да води евиденција за сите добивки и добитници кои подлежат на данок на добивка од игрите на среќа.
Организаторот има право да побара важечка исправа за идентификација и податоци на добитникот заради плаќање на данокот на добивките од игрите на среќа и негова евиденција.
На лица под 18 години, не им се исплаќаат добитни тикети.

член 27
Бидејќи овие правила се истакнати во уплатно-исплатните места на организаторот и заверени од Министерството за финансии на РСМ, се смета дека секој учесник во обложувањето е запознаен со сите правила и ги прифаќа во целост.

член 28
Исто така, играчите со уплаќање на тикетот, безусловно ги прифатиле и ги потврдиле правилата на играта пропишани од страна на организаторот.

член 29
Во случај на каков било спор меѓу учесниците и организаторите на обложувањето кој не може да се реши по договорен пат, надлежен е судот во Скопје.