Вардар против Малме во квалификациите за Лигата на шампионите

Македонскиот шампион Вардар во второто квалификациско коло за Лигата на шампионите ќе игра против шведскиот шампион Малме.

„Црвено-црните“ ќе се обидат конечно да ја прескокнат првата пречка во квалификациите, откако минатите две години не успеа против АПОЕЛ и Динамо Загреб.
Вардарци можеа да минат и полошо со доколку го добиеја Селтик, а најпосакуван од можните противници беше Хафнарфјордур. Во опција беа Селтик, Легија Варшава, Марибор, Розенборг и Хафнарфјордур, а нашиот шампион го доби Малме.
Шведскиот тим ќе биде домаќин на 11/12 јули, а реваншот ќе се игра на 18/19 јули, кога Вардар ќе биде домаќин најверојатно во Струмица. 
Вардар имаше и јавно барање да му биде дозволено да игра во Скопје, на „Телеком Арена“, иако тоа оваа сезона не е можно поради подготовките на теренот за Суперкупот на Европа, на 8 август.

Второ квалификациско коло за ЛШ - 11-12 јули, 18-19 јули
Малме (Шведска) - Вардар (Македонија)
АПОЕЛ (Кипар) - Дуделанж (Луксембург)
Жалгирис (Литванија) - Лудогорец (Бугарија)
Карабаг (Азербејџан) - Самтредија (Грузија)
Партизан (Србија) - Будуќност Подгорица (Монтенегро)
Хибернијанс (Малта) / Талин (Естонија) -  Салцбург (Австрија)
Шериф (Молдавија) - Кукеши (Албанија)
Астана (Казахстан) - Спартак Јурмала (Летонија)
Бате Борисов (Белорусија) - Алашкар (Ерменија) / Санта Колома (Андора)
Жилина (Словачка) - ФК Копенхаген (Данска)
Хапоел Бер Шева (Израел) - Хонвед Будимпешта (Унгарија)
Ријека (Хрватска) - Њу Сејнтс (Велс) / Европа ФЦ (Малта)
Линфилд (С. Ирска) СП Ла Флорита (Сан Марино) - Селтик (Шкотска)
Зрињски (БиХ) - Марибор (Словенија)

Прво квалификациско претколо за ЛШ - 27-28 јуни, 4-5 јули:
Викунгур (Фарски Острови) - Трепча 89 (Косово)
Хибернијанс (Малта) - ФК Талин (Естонија)
Алашкерт (Ерменија) - Санта Колома (Андора)
Њу Сејнтс (Велс) - Европа ФЦ (Гибралтар)
Линфилд (С. Ирска) - СП Ла Фјорита (Сан Марино)