23.5.2017 Порто остана без тренер
Нуну Ешпириту Санту, тренерот на Порто, договорно ја раскина соработката со повеќекратниот шампион на Португалија, потврдено е на официјалната интернет-страница на клубот.
Четириесет и тригодишниот стручњак во јуни минатата година е именуван за тренер на Порто, но раководството на клубот не било задоволно од неговата работа и од освоеното второ место во шампионатот.
Пред да дојде во клубот во кој во 2010 година ја заврши играчката кариера, Ешпирито Санто сезоната 2014/15 ја помина во Валенсија, а тренерската кариера ја почна во Рио Аве (2012-2014).
Сè уште не се знае кој ќе го наследи на клупата.
Порто 27 пати беше шампион на Португалија, последен пат во 2013 година. Изминатите четири сезони Бенфика е неприкосновена.