05.5.2015 Андерлехт го продава Митровиќ на Њукасл
Александар Митровиќ е на чекор да премине во англискиот Њукасл, пренесува „Дејли мејл“.
Англискиот весник тврди дека Андерлехт се согласил да го продаде српскиот репрезентативец за 15 милиони фунти.
Но, сега се чека Митровиќ да потврди дали се согласува со условите на Њукасл.
Платата не би требало да биде проблем, тврди „Дејли мејл“, туку желбата на Митровиќ да игра во Лигата на шампионите.
Тој оваа сезона постигна 25 погодоци на 47 натпревари, два во Лигата на шампионите, по еден во средбите против Арсенал и против Борусија од Дортмунд.
Веќе со месеци се шпекулира за заинтересираноста на повеќе клубови, покрај Њукасл, се споменуваа: Манчестер јунајтед, Арсенал, Милан, Фиорентина, Марсеј, Свонси.
Од овој трансфер 20% би требало да добие и Партизан.