На Хартс му се забранети трансфери

Премиер лигата на Шкотска на Хартс му стави забрана за трансфери во наредните 60 дена бидејќи екипата од Единбург втор месец по ред не им ја исплатила платите на играчите и на стручниот штаб.

Комитетот на Премиер лигата објави дека Хартс нема да може да регистрира нови фудбалери до 23-ти декември оваа година.
Хартс во меѓувреме целосно ги исплати платите за септември, но не успеа тоа да го направи и за октомври, па синдикатот на играчите на клубот се пожали на шкотската Премиер лига.
До први јануари ниеден европски клуб не може да купува играчи, но може да потпише договор со оние коишто не се врзани за ниту еден клуб.