09.9.2018 Македонија има нов „пеналџија“ и погоди за предност од 1:0 против Ерменија
Езџан Алиоски беше прецизен од белата точка во 13. минута, а на изненадување на фудбалските познавачи тој доби шанса да го реализира пеналот и успешно погоди
Македонија има нов „пеналџија“ и тоа успешен, а Езџан Алиоски на изненадување на фудбалските експерти доби шанса да бие од белата точка против Ерменија и погоди за предност од 1:0.
Досега пеналите ги изведуваа Пандев, Трајковски и Несторовски од актуелниот македонски состав, но овојпат можност да погоди од 11 метри доби Алиоски. И тоа го стори рутински, па Аирапетјан беѓе немоќен.
Почетокот на мечот од Лигата на Нации против главниот ривал за првото место во нашата група е идеален за Македонија, а за пеналот се избори капитенот Горан Пандев по еден дуел со Калисир. Пеналот беше чист како солза, ударот на Алиоски сигурен за предност од 1:0 на нашата селекција.