24.5.2011 Јансен првото засилување за Ајакс
Новиот холандски фудбалски шампион Ајакс објави дека потпишал двегодишен договор со Тео Јансен, досегашниот играч за врска на Твенте.
Дваесет и деветгодишниот
Јансен, познат како специјалист за изведување слободни удари, во неодамна
завршената сезона постигна 13 првенствени голови за Твенте и уште шест пати
асистираше. Избран е за најдобар играч на холандската лига. Досега забележа пет
настапи за репрезентацијата на Холандија.
Висината на оштетата и
деталите за договорот на Јансен Ајакс сè уште ги нема објавено.
Клубот од Амстердам, исто
така, го потврди доаѓањето на дваесет и едногодишниот јужноафрикански играч за
врска Тулани Сереро. Тој потпиша четиригодишен договор, а досега има играно за
Ајакс од Кејптаун.