25.6.2018 Македонија со Шпанија и Хрватска на СП 2019
Денеска во Копенхаген беше извршена ждрепката за групната фаза на Светското првенство во ракомет следната година. Македонија се најде во групата Б заедно со Шпанија, Хрватска, Исланд, Бахреин и Јапонија.
Македонската ракометна репрезентација на Светското првенство 2019 година ќе игра во групата Б во Минхен.
Ждрепката нè состави со нашиот поранешен селектор Лино Червар, кој сега ја предводи Хрватска.
Раул Гонзалес исто така ќе има уште една можност да се пресмета со својата Шпанија која е актуелен европски шампион.
Во нашата група уште се и репрезентациите на Исланд, Бахреин и Јапонија.
ГРУПА А (Берлин):
Франција, Русија, Германија, Србија, Бразил, Кореја
ГРУПА Б (Минхен):
Шпанија, Хрватска, Македонија, Исланд, Бахреин, Јапонија
ГРУПА Ц (Хернинг):
Данска, Норвешка, Австрија, Тунис, Чиле, С. Арабија
ГРУПА Д (Копенхаген):
Шведска, Унгарија, Катар, Аргентина, Египет, Ангола
Првенството ќе се игра од 9 до 27 јануари следната година во Германија и во Данска.